Lekol primer La Rosi猫re i ekspekte akey zanfan P1 ek P2 pandan premye kar lannen prosenn |04 August 2022
Bann zanfan P1 ek P2 lekol La Rosi猫re i ekspekte retourn dan sa lekol pandan premye kar lannen prosenn la ki travay renovasyon lo serten blok laklas pe al konmanse.
Minis pour Ledikasyon, Dr Justin Valentin, in dir dan Lasanble Mardi ki tou prosedir neseser e travay teknik pe finalize pour ki ver mwan prosen bann prosedir tender ava ganny fer. Se Lazans Lenfrastriktir ki鈥檔 pran sarz proze konstriksyon lekol La Rosi猫re dan son totalite e se gouvernman ki pe finans sa bann renovasyon.
鈥淶anfan P3 ek P4 ava kontinyen al lekol Mont Fleuri tandis ki bann dan P5 ek P6 zot, zot pou kontinyen al lekol Belonie. Sa i sa propozisyon pli realis ki nou pe travay avek,鈥� Minis Valentin in enform bann manm Lasanble.
鈥淟etan bann enzenyer Lazans Lenfrastriktir ti fer zot lenspeksyon kot sa lekol, zot ti donn nou sa lasirans ki bann batiman ki egziste deza kot sa lekol i kapab ganny reabite e gouvernman i partaz sa filozofi pour esey protez otan ki posib bann striktir tradisyonnel ki annan valer istorik pour Sesel,鈥� Minis Valentin in dir.
I鈥檔 osi fer resorti ki demars atraver minister responsab pour finans in deza konmanse pour kennsel sa l貌n avek Kuwaiti Fund ki ti sipoze finans sa proze parey i ti ete me zot pe refer laplikasyon pour en lot l貌n a en sonm pli mwens ki ava kouver depans pour bann nouvo batiman ki pou konstrir lo sa lespas vid e ki pou akeir lezot nivo kot sa lekol.
鈥淣ou plan se konmans sa prosedir l貌n avek Kuwaiti Fund e si nou pa kapab nou ava rod lezot sours finansman. Nou鈥檔 fer en demann dan bidze 2023 pour 2enm faz sa proze me pour lemoman mon pa kapab donn okenn lezot dat konsernan konstriksyon 2enm faz sa proze akoz nou pa ankor ganny alokasyon en sonm larzan,鈥� Minis Valentin in enform bann manm.
Sete manm elekte pour Mont Buxton, Gervais Henrie, ki ti鈥檔 demann Minis Valentin en kontrandi lo bann demars ki pe fer pour ki sa lekol i reouver.
Antretan Minis Valentin ti osi reponn kestyon lo plizyer lezot size ki konsern son minister e sa ti enkli en kestyon par MNA pour Grand Anse Praslin, Wavel Woodcock, ki ti anvi konnen si avek sitiasyon ekonomik aktyel pei, Minister Ledikasyon pe konsider reviz allowance ki bann etidyan ki sorti zil pros pour vin lekol pos-segonder Mah茅 i gannyen, sirtou bann etidyan ki reste Youth Hostel .
Minis Valentin in dir ki menm si i swe son minister pour ogmant allowance sa bann etidyan, ansemoman pei pa kapab fer sa logmantasyon. I鈥檔 demann bann etidyan pour servi zot larzan pour siport zot letid me non pa konman larzan pour anmize.
听
Marie-Anne Lepathy
听
听
听